Айдана Меденова шашын түрлі-түске бояп, корейлік поп музыканың өкіліне айналса, фанаттары қалай қабылдар екен? Бұлай деуіміздің өзіндік себебі бар. «Кешьюдің» экс-әншісі Кэй-поп патиде ұйымдастырылған байқауды төрелік еткен көрінеді.

Кэй-поп пати! Еліміздің әр аймағынан жиналған өнерпаздар өзара сайысқа түсіп, үздіктерді анықтады. Ал, қатысушыларға қазылық етуге Айдана Меденова бекітіліпті. Бірақ, бұл бикештің корейлік музыканы емес, кью-поп субмәдениетін дәріптеуде белсенділігі байқалады.   

Айдана Меденова, әнші:

-Кью-поп енді қазір чарттарда бірінші орындар алып жатыр ғой. Сондықтан, ұнап жатыр балаларға, адамдарға... Кейбір жерлерде, инстаграм желісінде де менің әндерімді де кью-поп деп айтады.

Алайда, “Айданаторлар» алаң болмаңыздар! Меденова кью-поперлердің қатарын толықтырмайды. 

Айдана Меденова , әнші:

-Қызыл шаш боямаймын әрине. Біз енді бейнебаянға қатысты өзгертеміз ғой стильді. Ал, былай өзімнің стилімді өзгерте алмаймын сол к-поп үшін...

Кэй-поп патиде, қазақ поп музыкасының өкілдерін де байқап қалдық. Мәселен, «Мадмэн» тобы мен «Ньютон» бойзбенді бұл кештің құрметті қонақтары.

«MadMan» тобы:

-Мұндай патилердің, іс-шаралардың негізгі пайдасы көп. Біз тәжірбие аламыз. Біздің фан-қабырғалар үлкейеді, ауқымды болады. Жаңа адамдармен танысамыз. Жаңа адамдар біздің фандомға қосылады.

 «Newton» тобы:

-Жаңа таныстар, жаңа достар. Бір-бірімізбен сөйлесіп, жақын танысып... Жақсы емес пе, өте көп таныстарың болса. Осындай сахнаға шығу жолы өте қиын екенін білеміз. Сондықтан біз қолдауға келіп отырмыз.