Асылхан Төлепов фильмдерге түсуді неге сиретті? Актер отандық киноиндустрияның былығын әшкереледі!

Сообщить о проблеме с эфиром

Алғашқыда «Жау жүрек мың бала» тарихи туындысы арқылы қалың көпшіліктің жүрегін жаулаған Асылхан Төлепов, бұдан былай түсірілім алаңына жиі бас сұқпайды. Өйткені, өнерпаздың көкейінде қыжыл көп! Оның айтуынша, қазіргі киноның сценарийінен сапа, ал актердың қаламақысынан құн кеткен заман...

Сартай батырдың образын сәтті сомдағанымен, «Жау жүрек мың баладан» соң Асылхан көлемді картиналардан көп көрінбейді. Кино мансабындағы әр қадамын аңдап басатын актерға ұсыныс көп, бірақ көңіліне жаққан туындыға таңдап, талғап түсетіні бар. Төлеповтің басты талаптарының бірі – сауатты сценарий!

Асылхан Төлепов, актер:

- Сұраймын ғой қандай деп. Жас бала, махаббаттан күйзеліп шегіп кетті, ішіп кетті. Жолы болмай, үйленейін деген қызы жол көлік апатына түсті, мерт болды деген сценарийлер. Ол біздің қазіргі қоғамға керек пе, керек емес пе білмеймін. Сол үшін мен бас тартамын.

Отандық кинонарықта Төлеповті толғандырар тақырып көп-ақ. Бірде фильм желісі жүрекке жақпаса, келесі де қаламақы мәселесі мәз емес.

Асылхан Төлепов, актер:

- Бас тартқан себебім: Біріншіден, көп уақытыңды алады. Және де сол уақытқа лайықты қаражат бермейді. Жай келісе салады да. Ол біріншіден сен өзіңнің жұмысыңды өзің бағалау керексің. Өз-өзіңнің бағаңды білу керексің.

Саннан гөрі, сапаға мән беретін Асылхан, «Жау жүрек мың бала» фильмінен кейін, толықметрлі екі ғана туындыда бой көрсетіпті.

Асылхан Төлепов, актер:

- Осы соңғы экранға шыққан фильмдерім «Финансист» және «Көкпар» туралы фильм. Қырғызстанда «Көк бөрі» деп шығарды. Енді ол фильмдердің мағынасы бар, айтар ойы бар.

Сахнада кез-келген кейіпкерді нақышына келтіре сомдайтын Нұржан Төлендиев те кезінде киноиндустрияның дәмін татқан. Қазіргі таңда өнерпаздың талабы мен ұстанымы өзгерген секілді.

Нұржан Төлендиев, актер:

- Мәні бар, мағынасы бар жақсы кинолар болса, неге ойнамаймасқа? Иә, ұсыныстар болып жатыр!

Түсініктемелер қосу үшін сізге кіру қажет