Сымбат Сағындық, @symbat_sagyndyk
– Оның шоу-бизнес сапына қосылғанына көп болмады. Дегенмен тректері тренд, әндері музыкалық чарттардың көшін бермейді. Мазмұнсыз махаббатты маздатып жүрген – Бакрдың кешіндеміз.
Хитменді сұқбатқа көндіру оңай болмады. Дегенмен концерт жайлы бірер ауыз лебізін білдірді. «Біздің басты меже Алматы көрерменін тарту еді. Ол мақсатқа жеткен сияқтымыз»,-дейді.
– Бұл Бакрдың қазақстандық БАҚ өкілдеріне беріп жатқан тұңғыш сұқбаты. Бакр бұл Алматыдағы екінші концертің.
Bakr, әнші:
– Біздің түпкі мақсатымыз, бағындырғымыз келген қала – Алматы болған еді. Сондықтан осы қалаға акцент қойдық.
– Қазақстанды аралап, 7 қалада концерт қойып, тур өткіздіңіз. Қай қала ерекше ыстық ықыласпен қарсы алды?
Bakr, әнші:
– Негізі барлық қалалар жақсы тосып алды. Барлық қала жақсы қарсы алды. Бірақ өзім үшін ерекше болған ол Алматы мен Астана.
Кеш көркін қыздырған әртістер қатарында – Адиль де бар. Жиылған жұртшылық әншіден «Госпожа» композициясын сұрады. Бірақ өткен жылы аталмыш тректі «плагиат» деп айыптап, қырғызстандық композиторлар
«Махаббатым сұранамын мені кечіргін» трегінің мотивын ұрлады деген еді.
– Өткен жылы сіздің бір әніңізге байланысты, авторлық құқыққа байланысты шу туды иә?
Әділ Жалмағамбетов, әнші:
– Бұл жерде мынандай болды енді... Қырғыз бауырларымыз бізге страйк лақтырған болатын. Ютуб каналымызға. Біздің клипімізге.
– Ол ән кімдікі болды сонымен?
– Шыны керек мен ол өлеңді особа тыңдамадым, чтобы ұрлайтындай. Өзімнің ішкі дүниемнен шықты да ол.
- Енді қазір ән кімде қалды?
- Ән менде қалды. Оның әні өзінде, менің әнім өзімде.
– Өзіңіздің соло концертіңізді беретін уақыт келді деп ойламайсыз ба?
Әділ Жалмағамбетов, әнші:
– Әлі ертелеу деп ойлап жатырмын.
- Мысалы Бакр сияқты бірнеше әншілерді жинап? Өзіңіз сияқты танымал-танымал. Өзіңіз араласатын ортадағы?
- Менің ойымша где то 10 хиттай болуы керек та.
- Сізде қазір қанша хит бар деп ойлайсыз?
- 6-7-дей бар.
Дәл осы «Жүрек» трегі ТМД-ның 20 шақты елінде: Apple music, Spotify-да көш бастап тұр. 1,5 миллирд халқы бар Қытай Халық республикасы осы әнді тиктокта трендке айналдырып жіберген.
– «Бұл мен емес, ол тек елес» деген әнді айтатын осы жігіт. Адам. Бұл сахналық лақап ат па?
Adam, әнші:
– Иә, бұл менің лақап атым. Негізі шын атым – Фарух.
- Фамилияңыз?
- Меркедаев. 98
- Меркедаев Фарух негізі Меркеден. Біз сіз қазақша ән айтқан кезде таңғалдық.
– Өнерді бастағалы 5 жылдай болды.
– Оның алдында қайда, кім болып жұмыс істедіңіз?
– Оның алдында көп жұмыс істегем мен. Официанттан бастап, сосын кабактарда ән айтып. Одан бөлек кім болмадым мен. Сварщик те болғам.
Бұл кеште хит әндер көптеп орындалды. Мысалы дәл осы «7:00» туындысы осыдан небәрі 2 ай бұрын шыққан. Бірақ ютуб хостингінде көш бастап, 2 миллионға жуық қаралым жинаған.
– Осы тренд тректі Баха, Баһадүр орындайды. Неге біз сізді танымаймыз? Түріңізді білмейміз. Қайда жүрсіз?
Баһадүр Ыдыришов, әнші:
– Ақырындап көтерілеміз енді. Біріншіден негізі до этого «На закате» деген өлеңдерім болған. Хитовать етіп жүрген тоже. Ол стиль восточный болып жатыр да кішкене.
Сымбат Сағындық, @symbat_sagyndyk
– 2 сағатқа созылған концерт осымен тәмәм. Хит композициялар. 8 мың адам. Солд аут. Ал Бакр бүгінгі құраммен Қазақстан бойынша турын Астанада аяқтады.
