WBA тұжырымы қазақстандық боксшы Бейбіт Шүменовті тұрақты чемпиондық белбеуінен айырды. Бүкіләлемдік бокс қауымдастығының жаңарған рейтингінде бұл атақ енді Юниер Дортикосқа тиесілі. Шүменов- Дортикос осы жылдың сәуір айында жекпе-жек өткізуі тиіс болған. Алайда, отандасымыз дайындық барысында көзінен жарақат алып, қос қарсыластың кездесуі кейінге шегерілген еді. Бокс мамандары енді Шүменов кәсіпқой мансабын аяқтауы да ықтимал деп болжауда.