Халықаралық AR Cup 2025 балалар футбол турнирі Алматыда
2025 жылдың 24–26 тамыз аралығында НТК телеарнасы футбол жанкүйерлерін дәстүрлі спорт мерекесіне — мерейтойлық, бесінші, халықаралық AR Cup 2025 балалар турниріне шақырады. Спорттық шара қайырымдылық мақсатында әрі «Армандау! Дос болу! Ойнау!» шабыттандырар ұранмен өтеді.
Үш күн бойы алаңда 2014 жылы туған 160 жас футболшы күш сынасады. Жарысқа Астана, Алматы, Ақтөбе, Ақтау қалаларының жетекші футбол академиялары мен клубтары, сондай-ақ Ресей, Қырғызстан, Өзбекстан, Сербия және Грузиядан келген қонақтар қатысады. Мұндай құрам турнирдің халықаралық деңгейін және өңірдің спорт өміріндегі маңызын айқындайды.
Турнирдің мақсаты спорттық бәсекелестіктен әлдеқайда ауқымды. AR Cup 2025 балалар спортын қолдауға, Қазақстандағы футбол дәстүрін дамытуға, елдер арасындағы достық қарым-қатынасты нығайтуға және жас ұрпақ арасында салауатты өмір салтын насихаттауға бағытталған.
Жас спортшылар үшін бұл жай ғана ойын емес — өзін көрсетуге, әртүрлі қала мен елдерден келген спортшылармен танысуға, жаңа тәжірибе алуға және болашақ жеңістерге шабыттануға таптырмас мүмкіндік.
Жарыс қорытындысы бойынша жүлделі орын алған командалар медальдармен марапатталады, ал жеңімпаз турнирдің басты трофейі — AR Cup 2025 кубогын иеленеді. Барлық қатысушылар өз еңбегі мен спорттық рухын бағалау белгісі ретінде естелік сыйлықтарға ие болады.
НТК телеарнасы алматылықтар мен қала қонақтарын, жанкүйерлер мен спорт сүйер қауымды осы нағыз футбол мерекесіне шақырады.
Өтетін орны: ФК «Қайрат» футбол академиясының Т.С. Сегізбаев атындағы стадионы, Майлин көшесі, 230. Кіру тегін.