Қайрат Нұртаспен бірге «Өкініш» фильмінде өнер көрсеткен Сиви Махмудидің ойы басқада. Сылқымға күйеуі біршама дүниеге қатаң тыйым салған көрінеді. Тығырыққа тірелген әнші, енді бейнеклипін де ойдағыдай таспалай алмай жүр. Бұл жайында әншінің өзі бірер минуттардан кейін айтып береді.

Әнші Сиви Махмуди болса, бейнеклипін таспалауға баяғыда кірісіп кеткен. Алайда, әншінің жары видеотуындыда Сивидің сүйіктісінің рөлін, жат біреу сомдамасын деген қатал талап қойған. Бұл қызғаныштың қандай түрі?!

Өзгелермен талай бейнебаянда, тіпті толық метрлі картинаға түсіп жүрген сылқымға, аяқ асты қызғаныш білдірген әншінің күйеуі ерекше ұсынысымен таңқалдырған.

Сиви Махмуди, әнші:

-Күйеуімнің жан досы. Басқа жігіттерден қызғанғаннан кейін, досы түссін деп ұсыныс жасады. Өзі сымбатты, өзінің кішкене болса да өнері бар болғаннан кейін, осы жігітпен басты рөлде жігітім ретінде түсейін деп жатырмын.

Сюжет бойынша жарының жан жолдасымен көңіл жарастырған бейнеклипі «Кел жаным» атты әнге таспалануда.