«Рэкетир», «Районы» және «Бизнесмены!» 90-шы жылдардағы ақуалды суреттеуімен ерекшеленген Ақан Сатаев, трилогиясын түйіндеді. Бір қызығы аталған жобалардың үшінші бөлімінде бой көрсеткен актерларға, қаламақы ерекше тәсілмен төленген. Тұсаукесер туралы Серікқазы Аязбаев толығырақ тарқатады...

«Бизнесмены» картинасы – 90-шы жылдардың Қазақстандағы тоқырау кезеңінің көрінісі. Бала кезден тату өскен үш дос, дағдарыста табысқа кенелудің жолын іздеп, алғашқы кәсіпкерлердің біріне айналады.

Сондай-ақ, жаңа туындыдан махаббатты, сатқындық пен өмірдің құндылықтарын табасыз. Бұл фильмдегі негізгі кейіпкерлерді сомдауға Асқар Ілиясов, Рәсім Жубаев және Шәріп Серік сынды актерлар таңдалған.

-Шәріп, қолжетімді актер ма, әлде қымбет актер ма?

Шәріп Серік, актер: -Енді қымбаттау боламын! Бірақ, дегенмен де мен голливудтық актерлар сияқты гонорарым миллиондаған емес.

-Қанша алдың?

Шәріп Серік, актер: -Ойй, есімнен шығып кетті. Нөлі көп ана жерде.

-Бір жылқы – 500 мың деп алайық. Қанша жылқы алдың?

Шәріп Серік, актер: -Бір... үйір!

-Фильмде бұзық, қызқұмар жігітті ойнайсың. Өмірде қаншалықты кейіпкер Шәріпке жақын?

Шәріп Серік, актер: -Енді мұндай болған да шығар өмірде. Шыны керек, алдамай-ақ қояйын.

«Бизнесмены» картинасына жұмсалған бюджет 500 мың долларды құрайды. Түсірілім тобына атақты кәсіпкерлердің өзі қаржылай қолдау көрсетіпті. Десек те, «біткен іске сыншы көп!» Тың туындыны тамашалаған алғашқы көрермендер әділ бағасын беруге асық!

-Фильмді көрдіңіз! Көкейге не түйдіңіз?

- Ең бастысы адам ақшаны емес, достықты, отбасы, махаббатты бағалау керек екенін түсіндім.

-95-жылы шығып жатқан әндер, 93-жылдары айтылып жатыр ол жерде. Бірақ ол шағын ғана кемшілік.

-Сындар да айтылып жатыр! Қалай қабылдадыңыз?

Ақан Сатаев, режиссер: -Әрине, конструктивті сынға келісеміз. Оны келесі жұмыстарымызға қару ретінде қолданамыз!